कॅशबॅक फसवणूक पासून सावध राहा!

तुम्हाला एक SMS येतो ज्यात PhonePe वरून आल्याचा दावा करणारी लिंक असते आणि आकर्षक कॅशबॅक बक्षीसे मिळवण्यासाठी त्या लिंकवर क्लिक करा असे त्यात सांगितले असते. तुम्ही गोंधळता की ही लिंक वैध आहे की नाही आणि यावर क्लिक करुन आपण बक्षीसाचा दावा करावा का? परंतु नंतर आपण त्यावर क्लिक न करण्याचा निर्णय घेता. तुम्ही उत्तम निर्णय घेतलात!

तुम्ही लिंकवर क्लिक केले असते आणि बक्षीसासाठी दावा करण्यासाठीच्या चरणांचे अनुसरण केले असते, तर तुम्ही तुमचे पैसे बेइमान फसवणूक करणार्‍यांकडे गमावले असते. कॅशबॅक प्राप्त करण्यासाठी आपल्याला आपला UPI पिन प्रविष्ट करण्यास सांगणार्‍या कोणत्याही मेसेजकडे दुर्लक्ष केले पाहिजे.

फसवणूक करणारे ‘कॅशबॅक ऑफर्स’ व ‘स्क्रॅच कार्ड’ च्या माध्यमातून बक्षिसे जिंकण्याचे वचन देऊन युजर्सला आमिष दाखवतात. काही आपल्याला ऑफरसह बनावट लिंक पाठवू शकतात किंवा आपण बनावट सोशल मीडिया पृष्ठांवर कॅशबॅक संबंधित पोस्ट देखील पाहू शकता. या लिंक आणि सोशल मीडिया पृष्ठे तुम्हाला खरी वाटावी म्हणून PhonePe च्या अधिकृत वेबसाइट आणि लोगोसारखी दिसण्यासाठी चलाखीने तयार केली गेली असतात. काही घोटाळेबाज तुम्हाला कॉल देखील करतील आणि PhonePe ॲपवर कॅशबॅक प्राप्त करण्यासाठी तुमच्या नोटिफिकेशन/घंटी आयकॉनवर क्लिक केल्यावर दिसणाऱ्या पेमेंट लिंकचा स्वीकार करण्याद्वारे काही चरणे पूर्ण करण्यास देखील सांगतील.

PhonePe कॅशबॅक कसे काम करते?

• PhonePe कॅशबॅक आपोआप तुमच्या वॉलेटमध्ये क्रेडिट केली जाते

कॅशबॅकचा दावा करण्यासाठी किंवा त्यास स्वीकारण्यासाठी आपल्याकडून कोणत्याही अतिरिक्त कारवाईची आवश्यकता नाही. PhonePe कधीच फोनवर किंवा लिंकवर कॅशबॅक किंवा बक्षीसे देत नाही. कॅशबॅक देण्याचे वचन देणारे कोणतेही URL, सोशल मीडिया पोस्ट किंवा फोन कॉल दिशाभूल करणारे आहेत.

• PhonePe वर कॅशबॅक किंवा बक्षीसे प्राप्त करण्यासाठी तुम्हाला तुमचा UPI पिन टाकण्याची गरज नाही.

ग्राहकांना कॅशबॅक प्राप्त करण्यासाठी कधीच त्यांचा UPI पिन टाकण्यास सांगितले जात नाही. तुम्ही तुमच्या बँक खात्यातून पैसे पाठवता तेव्हाच तुम्हाला UPI पिन टाकावा लागतो. तुम्हाला कॅशबॅक प्राप्त करण्यासाठी तुमचा UPI पिन टाकण्यासाठी सांगितल्यास अशा व्यवहारास लगेच नकार द्या आणि आम्हाला त्याचा रिपोर्ट support.phonepe.com वर करा.

• सर्व कॅशबॅक आणि इतर ऑफर्स तुमच्या PhonePe ॲपच्या होमपेजवरील “सर्व ऑफर्स पाहा” विभागात सूचीबद्ध असतात.

खऱ्या PhonePe कॅशबॅक ऑफर्स जाणून घेण्यासाठी या विभागाचा संदर्भ घ्या. कोणताही व्यवहार करण्याआधी पात्रतेचे निकष नियम व अटीसोबत काळजीपूर्वक वाचा.

फसवणूक करणाऱ्या व्यक्तींपासून सुरक्षित रहाण्यासाठी सूचना:

फक्त ज्ञात स्त्रोतांकडून आलेल्या पेमेंट विनंती स्वीकारा

तुमचा UPI आयडी माहिती असलेल्या कोणत्याही व्यक्तीला पेमेंट विनंती पाठवली जाऊ शकते. अज्ञात स्त्रोतांकडून आलेल्या पेमेंट विनंत्यांना नकार द्या. लक्षात ठेवा तुमचा फोन नंबर माहिती असलेली कोणतीही व्यक्ती तुमच्या UPI आयडी वरून पैशाची विनंती करू शकते.

तुमचा UPI आयडी पहाण्यासाठी तुमच्या PhonePe ॲपच्या होमपेजच्या प्रोफाइल विभागावर जा आणि “माझा UPI आयडी” अंतर्गत पाहा. तुमचा डिफॉल्ट PhonePe UPI आयडी हा yourphonenumber@ybl. असेल.

अपरिचित व्यक्तींकडून आलेले फसवे कॉल/पेमेंट विनंत्यांकडे दुर्लक्ष करा

PhonePe प्रतिनिधी असल्याचा दावा करून फोन करणाऱ्या व्यक्तींकडे लक्ष देऊ नका. तुम्हाला मित्र/कुटुंब असल्याचा दावा करणाऱ्या अज्ञात नंबरवरून कॉल प्राप्त झाल्यास, कृपया कोणताही पेमेंट व्यवहार करण्याआधी तुम्ही त्यांची ओळख पटवल्याची खात्री करा.

लक्षात ठेवा: तुमचा UPI पिन, OTP, CVV आणि कार्ड तपशील यासारखी गोपनीय माहिती PhonePe अधिकारी समवेत, कधीच कोणालाही शेअर करू नका.