![PhonePe Blogs Main Featured Image](https://www.phonepe.com/webstatic/7968/static/21337540beca57cff72ded7d11bf3caf/7db1d/Keep-your-returns-scoreboard-ticking-with-liquid-funds.png)
Investments
லிக்விட் ஃபண்டுகளுடன் உங்கள் வருவாய் ஸ்கோர்போர்டை பராமரிக்கவும்
PhonePe Regional|2 min read|20 July, 2021
கிரிக்கெட்டில், ஒரு நல்ல பந்து வீச்சாளரை எதிர்கொள்ளும்போது பேட்ஸ்மேனுக்கு பவுண்டரி, சிக்ஸர் போன்ற பெரிய ஷாட்களை அடிக்க கடினமாக இருக்கும், மேலும் விக்கெட்டுகளை இழக்க அதிக வாய்ப்புள்ளது. ஆனால் இதுபோன்ற சந்தர்ப்பங்களில், ஒரு அனுபவமிக்க பேட்ஸ்மேன் ஸ்கோர்போர்டை உயர்த்த தன்னால் முடிந்தவரை சிங்கிள்(1 ரன்) பெற முயற்சிப்பார். இது மேட்சின் முடிவில் அழுத்தத்தைத் தவிர்க்க உதவும்.
ஸ்மார்ட் மற்றும் வலிமை மிக்க பேட்ஸ்மேன்கள் விக்கெட்டுகளுக்கு இடையில் ஓடும் வேகத்தை அதிகப்படுத்துவதன் மூலம் தங்கள் ரன்களை 1லிருந்து 2-க்கு மாற்றுவதற்கான ஒவ்வொரு வாய்ப்பையும் பயன்படுத்துவதை உறுதி செய்வார்கள். கடினமான பேட்டிங் சூழ்நிலைகளில் அதிக ஆபத்தை எடுக்காமல், முடிந்தளவு ரன்கள் பெறுவதே ஒட்டுமொத்த குறிக்கோள், ஏனென்றால் இறுதியில் இவை அனைத்தும் எதிரணிக்கு ஒரு பெரிய இலக்கைக் கொடுக்கும் அல்லது எதிரணி உங்களுக்காக நிர்ணயித்த இலக்கைத் அடைய உதவும்.
உங்கள் சேமிப்பு இலக்குகளைப் பின்தொடரவும்
இப்போது இதை உங்கள் நிதி மற்றும் முதலீடுகளை நிர்வகிக்கும் முறையுடன் ஒப்பிடுங்கள். ஒரு பேட்ஸ்மேன் ஒரு குறிப்பிட்ட இலக்கை நிர்ணயம் செய்வது அல்லது அடைவது போல, ஒரு தனிநபராக நீங்கள் வாழ்க்கையில் சில நிதி இலக்குகள் அல்லது பிற குறிக்கோள்களைக் கொண்டிருக்கலாம் — இது பணவீக்கத்தை விட அதிக வருவாயைப் பெறுகிறதா அல்லது கார் வாங்குவது, வீடு வாங்குவது போன்ற உங்கள் வாழ்க்கை இலக்குகளை அடைவது. அல்லது ஒரு குறிப்பிட்ட தேதியில் ஒரு குறிப்பிட்ட தொகையை சேர்ப்பது . ஆனால் உங்கள் வாழ்க்கை இலக்குகளை அடைவதற்கு உங்களிடம் உள்ள பணத்தில் சிறந்த வருமானத்தை ஈட்ட நீங்கள் எல்லா முயற்சிகளையும் செய்கிறீர்களா?
பெரும்பாலும், உங்களிடம் உள்ள எல்லா பணத்தையும் கொண்டு மிக அதிக வருவாயைப் பெறுவதை நீங்கள் இலக்காகக் கொள்ள முடியாது, ஏனெனில் அதிக வருவாயை நோக்கமாகக் கொண்டிருப்பது அதிக அபாயங்களை எடுத்துக்கொள்வது அல்லது நீண்ட காலத்திற்கு உங்கள் பணத்தை எடுக்க முடியாதபடி இருக்க வேண்டியிருக்கும். நீங்கள் எப்போது வேண்டுமானாலும் திரும்பப் பெறக்கூடிய குறிப்பிட்ட பணம் உங்களிடம் இருக்க வேண்டும்.
லிக்விட் நிதிகள் மூலம் சரியாக முதலீடு செய்யுங்கள்
எனவே முதலீட்டாளர்கள் பொதுவாக இத்தகைய பணத்தை எங்கே வைத்திருக்கிறார்கள்? மிகவும் பொதுவான பதில் வங்கி சேமிப்புக் கணக்கு. இப்போது, ஒரு அனுபவமிக்க கிரிக்கெட் பேட்ஸ்மேன, கடினமான சூழ்நிலைகளிலும் கூட ஸ்கோர்போர்டை பராமரிக்க முயற்சிப்பது போல, ஒரு முதலீட்டாளராக நீங்கள் ஒரு சேமிப்புக் கணக்கில் வெறும் 2–3% சம்பாதிப்பதற்குப் பதிலாக ரிஸ்க் அல்லது லாக்-இன் பீரியட் இல்லாமல் கொஞ்சம் அதிக வருமானம் ஈட்ட முடியுமா?
உங்கள் பதில் லிக்விட் ஃபண்டுகள்.
வங்கிகள், அரசு மற்றும் பெரிய புகழ்பெற்ற நிறுவனங்களால் வழங்கப்படும் நிலையான வருமானப் பத்திரங்களில் முதலீடு செய்வதால் அனைத்து மியூச்சுவல் ஃபண்டுகளிலும் லிக்விட் ஃபண்டுகள் பாதுகாப்பானவை. மேலும் அவர்கள் பங்குச் சந்தையில் முதலீடு செய்ய மாட்டார்கள்.
லிக்விட் ஃபண்டுகள் வங்கி சேமிப்புக் கணக்கை விட அதிக வருமானத்தை அளிக்கின்றன. சேமிப்புக் கணக்குகள் வழங்கும் வட்டி விகிதங்கள் மற்றும் லிக்விட் ஃபண்டுகள் வழங்கும் சராசரி வருமானங்களின் வருடாந்திர ஒப்பீடு இங்கே.
![](https://imgstatic.phonepe.com/images/phonepe-blogs/regional/1200/1200/1700398104762.jpg)
லிக்விட் ஃபண்டுகளுக்கு லாக்-இன் பீரியட் இல்லை மற்றும் உடனடி திரும்பப் பெறும் வசதியை வழங்குகிறது, அதில் திரும்பப் பெறும் தொகை உடனடியாக உங்கள் கணக்கில் வரவு வைக்கப்படும் (அதிகபட்சம் ரூ .50,000 அல்லது உங்கள் முதலீட்டு மதிப்பில் 90%, எது குறைவாக இருந்தாலும்),மீதமுள்ள தொகை 2 வேலை நாட்களில் வரவு வைக்கப்படும்.
உங்கள் லிக்விட் ஃபண்ட் கணக்கில் குறைந்தபட்ச நிலுவைத் தொகையையும் நீங்கள் வைத்திருக்க வேண்டியதில்லை. லிக்விட் ஃபண்டுகள் அதிகளவு வெளிப்படைத்தன்மையை வழங்குகின்றன, அதாவது ஒவ்வொரு நாளும் உங்கள் முதலீட்டின் மதிப்பை நீங்கள் கண்காணிக்க முடியும், மேலும் சிறந்த விஷயம் என்னவென்றால் நீங்கள் ரூ.100 முதல் தொடங்கலாம்.
ஆகவே, அதிக ஆபத்தை எடுக்காமல் தனது ஸ்கோர்போர்டை பராமரிக்கும் ஒரு சிறந்த கிரிக்கெட் பேட்ஸ்மேனைப் போலவே, உங்கள் வருவாய் ஸ்கோர்போர்டை அதிக ஆபத்து இல்லாமல் அல்லது லாக்-இன் பீரியட் இல்லாமல் லிக்விட் ஃபண்டுகளுடன் பராமரியுங்கள். உங்கள் பணத்தில் நீங்கள் சம்பாதிக்கும் ஒவ்வொரு கூடுதல் சதவீதமும் உங்கள் வாழ்க்கை இலக்குகளுக்கு பங்களிக்கிறது என்பதை நினைவில் கொள்ளுங்கள்.
மியூச்சுவல் ஃபண்டுகள் சந்தை அபாயத்திற்கு உட்பட்டவை. முதலீடு செய்வதற்கு முன் திட்டம் தொடர்பான அனைத்து ஆவணங்களையும் கவனமாகப் படியுங்கள்.