![PhonePe Blogs Main Featured Image](https://www.phonepe.com/webstatic/7968/static/34a4cbea8faaac2caba80e09f9719586/7db1d/Are-you-investing-enough-from-your-monthly-salary_-2-1.png)
Investments
ଆପଣ ଆପଣଙ୍କର ମାସିକ ଦରମାରୁ ଯଥେଷ୍ଟ ବିନିଯୋଗ କରୁଛନ୍ତି କି?
PhonePe Regional|2 min read|11 June, 2021
ମୋତେ ମୋର ମାସିକ ଆୟର କେତେ ପ୍ରତିଶତ ବିନିଯୋଗ କରିବା ଉଚିତ୍? ଯଦି ଏହି ଚିନ୍ତା ଆପଣଙ୍କ ମନକୁ କେବେ ଆସିଛି, ତେବେ ଜାଣି ରଖନ୍ତୁ ଆପଣ ଏକା ନୁହଁନ୍ତି। ଏହା ଏକ ସାଧାରଣ ପ୍ରଶ୍ନ ଯାହା ବିନିଯୋଗକାରୀମାନଙ୍କ ମନରେ ଆସିଥାଏ, ବିଶେଷ କରି ସେମାନଙ୍କର ବିନିଯୋଗ ଯାତ୍ରାର ପ୍ରାରମ୍ଭିକ ବର୍ଷରେ।
ଏହି ପ୍ରଶ୍ନର ଏମିତି କିଛି ଉତ୍ତର ନାହିଁ ଯାହା ସମସ୍ତଙ୍କ ପାଇଁ କାର୍ଯ୍ୟ କରିବ, ଆପଣ କିପରି ବିନିଯୋଗ ରାଶିକୁ ପରିଭାଷିତ କରିବେ ସେ ସମ୍ବନ୍ଧରେ ଆମେ ଏହି ବ୍ଲଗ ପୋଷ୍ଟରେ କିଛି ଟିପ୍ସ ଦେବୁ ଯାହା ଆପଣଙ୍କର ଆର୍ଥିକ ଲକ୍ଷ୍ୟ ହାସଲ କରିବାରେ ସାହାଯ୍ୟ କରିବ।
କଥାଟିକୁ କିପରି ସହଜରେ ବୁଝିପାରିବେ ସେଥିପାଇଁ ଏଠାରେ ଏକ କ୍ରିକେଟର ଉଦାହରଣ ଦିଆହୋଇଛି!
50 ଓଭରର ଦିନିକିଆ କ୍ରିକେଟ୍ ମ୍ୟାଚରେ, ପ୍ରଥମେ ବ୍ୟାଟିଂ କରିବାକୁ ଆସିଥିବା ଦଳକୁ କେତେ ସ୍କୋର କରିବାକୁ ପଡ଼ିବ ଏବଂ ମ୍ଯାଚ୍ ଜିତିବାକୁ ସେମାନଙ୍କୁ କେତେ ରନ୍ ରେଟ୍ କରିବାକୁ ପଡ଼ିବ ତାହା ଜଣା ନଥାଏ।
ଯଦିଓ, ସେମାନେ ମ୍ୟାଚ୍ ଜିତିବା ପାଇଁ ନିଜ ଇନିଂସରେ ଆବଶ୍ୟକ ଏକ ନିର୍ଦ୍ଦିଷ୍ଟ ସର୍ବନିମ୍ନ ରନ୍ ରେଟ୍ (ଧରି ନିଅନ୍ତୁ, ଓଭର ପ୍ରତି 5–6 ରନ୍) ଆକଳନ କରନ୍ତି (ଓଭରଅଲ ରନ୍ ରେଟ୍ ଯେପରି ବେଶି ହେବ, ଜିତିବାର ସମ୍ଭାବନା ସେତିକି ଅଧିକ ହେବ)।
ସେହିଭଳି, ଯେତେବେଳେ ଆପଣଙ୍କର ବୟସ 20 କିମ୍ବା 30 ପ୍ରାରମ୍ଭରେ ଥିବେ, ଆପଣଙ୍କର ଦୀର୍ଘକାଳୀନ ଆର୍ଥିକ ଲକ୍ଷ୍ୟ ବିଷୟରେ ଆପଣଙ୍କ ପାଖରେ ସ୍ପଷ୍ଟ ଧାରଣା ନ ଥାଇପାରେ କାରଣ ସେହି ଲକ୍ଷ୍ୟଗୁଡ଼ିକ ଆପଣଙ୍କର ଜୀବନଶୈଳୀ, ଆୟ, ପରିବାରର ଆକାଂକ୍ଷା ଇତ୍ୟାଦି ଉପରେ ଆଧାର କରି ସମୟ ସହିତ ବିକଶିତ ହେବାକୁ ଲାଗେ।
ଆରମ୍ଭରେ ଏକ ସ୍ପଷ୍ଟ ଲକ୍ଷ୍ୟ ନଥିବା ହେତୁ ଆପଣ ଏହା କରିପାରିବେ, ତାହା ହେଉଛି ଆପଣ ବିନିଯୋଗ କରିବା ଆରମ୍ଭ କରିପାରିବେ ଏବଂ ଏକ ନିର୍ଦ୍ଦିଷ୍ଟ ଗ୍ରହଣୀୟ ବିନିଯୋଗ ହାର ସହ ଆଗକୁ ବଢ଼ିପାରିବେ — ସାଧାରଣତଃ, ଆପଣଙ୍କର ସର୍ବୋମୋଟ ଆୟର 30–40% ବିନିଯୋଗ ଏକ ଉପଯୁକ୍ତ ବିନିଯୋଗ ଭାବରେ ବିବେଚନା କରାଯାଏ।
ଯେପରିକି ଜଣେ ବ୍ୟାଟସମ୍ୟାନ୍ ପ୍ରତ୍ୟେକ ଓଭରରେ 5 କିମ୍ବା ତାଠାରୁ ଅଧିକ ରନ୍ ସଂଗ୍ରହ କରିପାରନ୍ତି ନାହିଁ, ସେହିପରି ଆପଣ ସବୁବେଳେ ହୁଏତ 30–40% ସଞ୍ଚୟ କରିବାରେ ସମର୍ଥ ନ ହୋଇପାରନ୍ତି ଏବଂ ତାହା ସମ୍ପୂର୍ଣ୍ଣ ଠିକ୍ ଅଟେ। ମୂଳ କଥାଟି ହେଉଛି ସମୟ ସହିତ ହାରାହାରି ବିନିଯୋଗର ସେହି ସ୍ତରଟି ହାସଲ କରିବାକୁ ଚେଷ୍ଟା କରନ୍ତୁ। ତାହା ସହିତ, ଯଦି ଆପଣଙ୍କର ବର୍ତ୍ତମାନର ଆର୍ଥିକ ପରିସ୍ଥିତି ଆପଣଙ୍କୁ ଅଧିକ ସଞ୍ଚୟ କରିବାକୁ ଅନୁମତି ଦିଏ (ଧରନ୍ତୁ 50%), ତାହା କରନ୍ତୁ, କାରଣ ଭବିଷ୍ୟତରେ ଏପରି ପରିସ୍ଥିତି ହୋଇପାରେ ଯେଉଁଠାରେ ଆପଣ ସେହି 30–40% ବିନିଯୋଗ ହାରକୁ ବଜାୟ ରଖିବାରେ ସକ୍ଷମ ହୋଇନପାରନ୍ତି।
![](https://imgstatic.phonepe.com/images/phonepe-blogs/regional/1200/600/1700398081078.jpg)
ମନେରଖନ୍ତୁ, କମ୍ ବୟସରେ କରାଯିବା ଏବଂ ଦୀର୍ଘ ସମୟ ପାଇଁ କରାଯିବା ବିନିଯୋଗ, ଆପଣଙ୍କ ଧନୀ ହେବା ଯାତ୍ରାରେ ଅଧିକ ମୂଲ୍ୟ ଯୋଗ କରିପାରିବ, ଏହା ହୋଇଥାଏ ଯୌଗିକ କ୍ଷମତା ଯୋଗୁଁ (ଏହି ବିଷୟରେ ଏହି ବ୍ଲଗ୍ରେ ଅଧିକ ପଢ଼ନ୍ତୁ)
ବର୍ତ୍ତମାନ, ଚାଲନ୍ତୁ ଆମର କ୍ରିକେଟ୍ ଉଦାହରଣକୁ ଫେରିଯିବା। କିନ୍ତୁ ଏଥର ଧରି ନିଅନ୍ତୁ ଦଳଟି ଦିନିକିଆ ମ୍ୟାଚରେ ଦ୍ୱିତୀୟ ନମ୍ବରରେ ବ୍ୟାଟିଂ କରୁଛନ୍ତି। ଯେହେତୁ ସେମାନେ ଦ୍ୱିତୀୟରେ ବ୍ୟାଟିଂ କରୁଛନ୍ତି, ବ୍ୟାଟସମ୍ୟାନମାନେ ଜାଣିପାରବେ ଯେ ସେମାନଙ୍କୁ କେତେ ରନ୍ର ଅନୁସରଣ କରିବାକୁ ପଡ଼ିବ ଏବଂ ସେମାନେ ସେହି ଅନୁସାରେ ନିଜର ଇନିଂସକୁ ଆଗକୁ ବଢ଼ାଇପାରିବେ।
ସେହିଭଳି, ଯେତେବେଳେ ଆପଣ ବୟସର 30 ମଧ୍ୟଭାଗକୁ ପାର ହେବା ସଙ୍ଗେ ସଙ୍ଗେ, ଆପଣଙ୍କର ସ୍ୱଳ୍ପ, ମଧ୍ୟମ ଏବଂ ଦୀର୍ଘକାଳୀନ ଆର୍ଥିକ ଲକ୍ଷ୍ୟଗୁଡ଼ିକ ବିଷୟରେ ଏକ ଉତ୍ତମ ଦୃଷ୍ଟିକୋଣ ରହିବ। ଆର୍ଥିକ ଲକ୍ଷ୍ୟ ଉପରେ ଏହି ସ୍ପଷ୍ଟତା ଆପଣଙ୍କ ରିସ୍କ ପ୍ରୋଫାଇଲ୍ ଏବଂ ଆଶା କରାଯାଉଥିବା ରିଟର୍ନ ହାରକୁ ବିଚାର କରି ସେହି ଆର୍ଥିକ ଲକ୍ଷ୍ୟ ହାସଲ କରିବା ପାଇଁ ଆପଣ ବିନିଯୋଗ କରିବାକୁ ଆବଶ୍ୟକ କରୁଥିବା ରାଶି ନିର୍ଣ୍ଣୟ କରିବାକୁ ସହଜ କରିଦେବ। ଉଦାହରଣ ସ୍ୱରୂପ, ଆପଣଙ୍କର ଲକ୍ଷ୍ୟ ଥାଇପାରେ ଯେପରିକି ଆର୍ଥିକ ନିରାପତ୍ତା ହାସଲ କରିବା ପାଇଁ ଏକ ନିର୍ଦ୍ଦିଷ୍ଟ ରାଶି ସଂଗ୍ରହ କରିବା, ଆପଣଙ୍କ ପିଲାଙ୍କ ଭବିଷ୍ୟତ ପାଇଁ ଯୋଜନା କରିବା, କାର୍ କିଣିବା ଇତ୍ୟାଦି (ଆମେ ଏକ ପୃଥକ ବ୍ଲଗରେ ଆର୍ଥିକ ଲକ୍ଷ୍ୟ ଭିତ୍ତିକ ବିନିଯୋଗ ବିଷୟରେ ଅଧିକ କଭର୍ କରିବୁ)। ଏହି ପ୍ରତ୍ୟେକଟି ଲକ୍ଷ୍ୟ ପାଇଁ ଆପଣଙ୍କୁ କିଛି ନା କିଛି ନିୟମିତ ବିନିଯୋଗ କରିବାକୁ ପଡ଼ିବ ଏବଂ ଏହିପରି ସମସ୍ତ ବିନିଯୋଗ ଆପଣଙ୍କୁ ଆପଣଙ୍କ ସାମଗ୍ରିକ ବିନିଯୋଗରେ ପହଞ୍ଚିବାରେ ସାହାଯ୍ୟ କରିବ।
ଶେଷରେ, ଏହା ପୁନରାବୃତ୍ତି କରିବା ଅତି ଜରୁରୀ ଅଟେ ଯେ ଆପଣଙ୍କୁ ବିନିଯୋଗ ଆରମ୍ଭ କରିବା ଆବଶ୍ୟକ ଅଟେ। ଏହା ଆପଣଙ୍କ ଆୟର 20%, 30% କିମ୍ବା 50% ହେଉ ଏଥିରେ କିଛି ଫରକ ପଡ଼ିବ ନାହିଁ। ଆପଣ ଥରେ ଆରମ୍ଭ କରିଦେଲେ, ଆପଣଙ୍କ ସମ୍ପତ୍ତି ସୃଷ୍ଟି ଯାତ୍ରାରେ ଆଗକୁ ବଢ଼ିବା ସହିତ ଆପଣଙ୍କର ବିନିଯୋଗ ରାଶି ସର୍ବଦା ଆଡଜଷ୍ଟ କରିପାରିବେ।
ମ୍ଯୁଚୁଆଲ୍ ଫଣ୍ଡରେ ବିନିଯୋଗ ବଜାର ଆପଦ ଅଧିନ ଅଟେ, ସମସ୍ତ ଯୋଜନା ସମ୍ବନ୍ଧିତ ଡକ୍ଯୁମେଣ୍ଟକୁ ଧ୍ୟାନ ସହକାରେ ପଢ଼ନ୍ତୁ।
PhonePe ୱେଲଥ ବ୍ରୋକିଂ ପ୍ରାଇଭେଟ ଲିମିଟେଡ।AMFI — ରେଜିଷ୍ଟର୍ଡ ମ୍ଯୁଚୁଆଲ ଫଣ୍ଡ ଡିଷ୍ଟ୍ରିବ୍ଯୁସନ ARN – 187821